പേജുകള്‍‌

2019, ഫെബ്രുവരി 26, ചൊവ്വാഴ്ച

ആ ചിരി



വൈകിയാണ് സ്കൂളില്‍ എത്തിയത്. ക്ലാസ്സിന് മുന്നിലെത്തി. നിശബ്ദമായ ക്ലാസ്സ് ഉച്ചത്തില്‍ ക്ലാസ്സ് എടുക്കുന്ന സാറിനേയും കണ്ടപ്പൊ തിരിച്ചോടിയാലോ ആലോചിച്ചു.  
കാരണം ചോദിക്കാനായി വരുന്ന സാറിനെ കണ്ടപ്പൊ എവിടെയൊക്കെയോ വിറക്കുന്ന പോലെ. മുഖത്തോട്ടു നോക്കി സര്‍ അടുത്തെത്തി "കയറിക്കോ ഇനി ഇ‍‍‍ങ്ങനെ വൈകി വരരുത്.." ഒന്നും മനസ്സിലായില്ല പേടിയങ്ങോട്ട് പോയി ആശ്വാസം വന്നു നേരെ ക്ലാസ്സിലേക്ക് ഒാടി കയറി ഇരുന്നു.
തൊട്ടടുത്ത് ഇരുന്നവന്‍ "നീ സാറിനോട് അപ്പൊ എങ്ങനെയാടാ ആ ചിരി ചിരിച്ചത്"  ചോദിച്ചപ്പൊഴാണ് പേടിച്ച മനസ്സിനെ തോല്‍പ്പിച്ച് മുഖം ചിരിച്ചു വിജയിച്ചു മനസ്സിലായത്.
വീട്ടിലെത്തി പലവട്ടം കണ്ണാടിയില്‍ ആ ചിരി കാണാന്‍ നോക്കി , ഇപ്പോഴും ആ ചിരി എതാണെന്ന് ആറിയില്ല. ഒരുന്നാള്‍ ആരെങ്കിലും എന്നെ നോക്കി ആ ചിരി ചിരിക്കും... ചിരിക്കണം

അഭിപ്രായങ്ങളൊന്നുമില്ല: